關於Soundtrack

近來訓得唔好, 有時要食藥先訓到, 我發現訓覺前聽I pod已經唔可以有效, 訓覺前睇半個鐘書都可能訓到! Last night, 突然聽番依隻舊Soundtrack出黎聽, 其實依張soundtrack選曲真係好好, 有一種夜蘭人靜既感覺, 好似係深夜聽到收音機傳來熟悉既歌聲個種感覺, 雖然套電影只係一般 , 但聽完訓得好好!

我其實比較鍾意一d V.A形式既Soundtrack, 我對純音樂個d興趣只係普通! 因為有歌詞, 有人聲已經有好明確既敘事及表達作用, 有時電影不好, Soundtrack選曲好都可以填補電影既不足, 反而純配樂多數代表意境, 心情, 氣氛, 無歌詞既情形下, 一定要看過電影才可以明白及感受音樂代表甚麼!~

依張 The motocycle diaries雖然大部份是純音樂, 但我非常喜歡的, 原因這套電影本身的敘事能力很強, 而且哲古華拉本身已經是一個有革命浪漫的象徵, 加上Soundtrack有濃厚既南美荒野味道, 對於流浪美洲大陸在現實上幾乎是不可的我來說真是很吸引!

我通常都是聽左Soundtrack先到睇電影, 有時張Soundtrack幾好, 但套電影唔岩睇, 隻碟都唔使浪費, 電影質素同Soundtrack既水準好易可以分開, 如果睇完電影先買Soundtrack, Soundtrack既好壞好易受電影質素影響!~

Brokeback Mountain既Soundtrack真係好經典, 幾乎是我十大最愛唱片之一, 全隻碟都有洛磯山原野及60年代既美國中西部氣氛, 但套電影就非常悶, 雖然係奧斯卡得獎電影, 但係唔岩口味就係唔岩, 我對同性電影是很抗拒的, 所以我對這張Soundtrack評價高, 但電影評價低!~